Theater- & Filmgroep Stella Duce

Ut is ós weer gelök. In april speult theatergroep Stella Duce de kluchtige Komedie “De Klopgeis”. De kleier passe, ut decor is klaor, de tekste zien gelierd en ósse riggiseur haet d’r ein prachtig komisch verhaol van gemak.

Vrouw van Opstal verheurt kamers. De breurs Toën en Hannes mótte ’t doon met ein krap zölderkaemerke. Ze zien allebei al diek in de zestig en vinde det ze óndertösse waal rech hebbe op ut gruttere appartement ein verdeping lieëger. Van Opstal vindt det appartement te groeët veur twieë alde menkes en verheurt ut sinds dreej daag aan de femilie Nagel.

Gelökkig haet de aldste broor Toën wie altied ein prachtig plan en det plan mót wie altied door de jóngste broor Hannes waere oétgeveurd. Ten ieërste ‘die van Nagel mótte “vreejwillig” vertrekke’ ten twieëde ‘ze mótte eure hoésbazin d’r van euvertuuge det ze met z’n dreeje op det zölderkaemerke woeëne’. Ut ieërste deil neme ze zelf veur eur raekening en veur ut twieëde deil van ut plan neme ze eur nichje Maaike in hoés.

Met ein paar dieke beuk, un good geveul veur ritme en ein nichje, waat ze allang neet mièr gezeen hebbe, mót eur plan kinne slage.

Of det van det nichje waal zo’n good idee waas en wae d’r veur de petatte mót zörge? Wae vingk de kenarie en wae is de grötste schiétbóks?

Wil geej ut weite? Kom kiéke naor "De Klopgeis".

------------------------------------------------------------------------------------------
Klik heej um metein te risservere!
------------------------------------------------------------------------------------------
(Alle veurstellinge waere in ut Venloos gespeuld)

Geej heb nog precies:

Het is ons weer gelukt. In april speelt theatergroep Stella Duce de kluchtige komedie "De Klopgeis". De kleren passen, het decor is klaar, de teksten zijn geleerd en onze regisseur heeft er een prachtig, komisch verhaal van gemaakt.

Mevrouw van Opstal verhuurt kamers. De broers Toën en Hannes moeten het doen met een krap zolderkamertje. Ze zijn alletwee al ruim in de zestig en vinden dat ze ondertussen wel recht hebben op het grotere appartement een verdieping lager. Van Opstal vindt dat appartement te groot voor twee oude mannetjes en verhuurt het sinds drie dagen aan de familie Nagel.

Gelukkig heeft de oudste broer Toën, zoals altijd, een prachtig plan. Dat plan moet, zoals altijd, door de jongste broet Hannes uitgevoerd worden. Als eerste moeten 'die van Nagel "vrijwillig" vertrekken'. Vervolgens moeten ze hun huisbasin er van overtuigen dat ze met z'n drieën op het zolderkamertje wonen. Het eerste deel nemen de broers zelf voor hun rekening, voor het tweede deel van het plan nemen ze hun nichtje Maaike in huis.

Met een paar dikke boeken, een goed gevoel voor ritme en een nichtje, die ze al lang niet meer gezien hebben, moet hun plan kunnen slagen.

Of dat van dat nichtje nu echt wel zo'n goed idee was en wie er voor de aardappelen moet zorgen? Wie vangt de kanarie en wie is de grootste schijterd?

Wilt u erachter komen? Kom dan kijken naar "De Klopgeis"

------------------------------------------------------------------------------------------
Klik hier om meteen te reserveren!
------------------------------------------------------------------------------------------
(Alle voorstellingen worden in het Venloos dialect gespeeld)

U heeft nog precies: